महोत्तरी ।  महोत्तरीको गौशला नगरपालिकाको आयोजनामा सम्पन्न दोस्रो नगर मेयर गोल्डकपको उपाधि गोलबजार प्रतिभा क्लवले जितेको छ । प्रतिभा क्लव गोलबजार र दिव्य दर्शन युवा क्लव नवलपरासीबीच भएको फाइनल खेलमा शून्यको विरुद्ध एक गोल गर्दै गोलबजारले उपाधि चुमेको हो । प्रतियोगितामा प्रतिभा क्लवकाका जर्सी नम्वर ११ का बिनु मगरले गोल गरेका थिए । गोल्डकपमा पहिलो भएको प्रतिभा क्लवलाई दुई लाख रुपैयाँ नगदसहित ट्रफी, प्रमाणपत्र तथा दोस्रो भएको दिव्य दर्शनले एक लाख रुपैयाँ नगदसहित ट्रफी प्रदान गरिएको आयोजकले जनाएको छ । २४ मंसिर देखि शुरु भएको प्रतियोगितामा विभिन्न प्रदेशका गरी कुल आठ वटा फुटबल टिम सहभागी रहेको आयोजकले जनाएको छ ।