सिरहा । भारतबाट साइकल चढेर आउँदै गरेका एक युवकलाई प्रहरीले शंका लागेर चेक जाँच गर्दा घरेलु हतियार र लागूऔषध बरामद भएपछि पक्राउ गरेको छ ।
जिल्ला प्रहरी कार्यालय सिरहाका अनुसार सिराहा नगरपालिका १७ कमला नदीको पूर्वी बाँधबाट प्रहरीले सिरहाको कल्याणपुर नगरपालिका २ चतरीका १९ वर्षीय सुमन कुमार मण्डललाई बिहीबार अपरान्ह पक्राउ गरिएको हो । मण्डलको साथबाट प्रहरीले एक÷एक थान फलामको तरवार र फर्सा, पेस्तोलको जस्तो आकार देखिने एक थान लाइटर गन, छ थान फाईटर, एक थान साईकल, २६ वटा नाइट्राभेट ट्याब्लेट, तीन एम्पुल डाईजेल्याव र एक थान सिरिञ्ज बरामद भएको सिरहा प्रहरीका सूचना अधिकारी प्रहरी नायव उपरीक्षक सुवाष बुढाथेकीले जानकारी दिए ।
प्रहरी नायव उपरीक्षक बढुथोकीका अनुसार घरेलु हतियार र लागूऔषधसहित पक्राउ गरिएका मण्डललाई सिराहा जिल्ला अदालतबाट लागूऔषध मुद्दामा सात दिनको म्याद लिई जिल्ला प्रहरी कार्यालय सिरहाबाट थप अनुसन्धान भइरहेको छ ।